唔記得寫埋呢單。你知啦，經理啲膠事太多，唔記得晒。
Any肥，有日收到律師信要我寫醫療報告，問診所攞Quotation。呢啲嘢梗係上頭搞。姑娘2循例打個電話去問經理收幾多錢。經理竟然同佢講話問返醫生啦。
我呢啲受月薪嘅醫生，一毫子都冇得收。你問我做乜嘢？我話收十萬你係咪照同律師開十萬啊？你哋冇Standard一頁A4紙收幾多錢嘅咩？唔好連呢啲責任都推卸好唔好？同埋之前我咪寫過個醫療報告，你咪已經收咗人哋錢囉～自己睇返收左幾多啦～你哋間公司冇理由淨係得我一條友寫個醫療報告㗎喎！唔好咁懶啦！
～～
冰島車禍嘅朋友仔上嚟探我哋，呀柚子餅真係幾好食～～～～